你未識呀？中醫話你知：排毒零難度

text-Emily（ig：emkiuuuuuuuu）

識咁做，排毒話咁易

「毒」究竟係咩東東？

喺中醫毒嘅角度嚟講，所有對人體健康有不良影響，會妨礙正常生命功能同運作的物質，就叫做「毒」喇！夜瞓、煙酒過多、經常食垃圾食物等等嘅不良生活習慣，都好容易會積聚毒素，慢慢就會破壞身體正常運作。聽完係咪有啲驚 ?

零難度按穴位排毒

按穴位唔一定要搵人幫嘅，識按嘅話，自己按都得。以下兩個穴位，每日要按兩次，每次30壓，按到有酸酸地嘅感覺就最好。只要勤力啲Keep住做，就可以發揮到排毒同更生嘅作用。

1. 曲池穴

曲池穴同人體嘅新陳代謝有密切關係，刺激曲池穴，可以將各種毒素排走，維持身體正常運作。

位置：喺手肘內側彎曲的位置，將手肘向內彎，用手指公按壓凹陷嘅位置，按得啱會feel到好輕微嘅痛。

2.合谷穴
按壓合谷穴​​，可以令大腸經脈處組織同器官的疾患減輕或者消除，做到排走體內堆積毒素嘅效果。簡單又快捷，隨時隨地都可以按。

位置：手背向上，手指公同食指打開成45度角，兩指之間嘅虎口位就係合谷穴。

4大排毒食物推介 — 呢4種食物唔難搵，分分鐘屋企廚房已經常備，冇嘅﹗即刻落超級市場實有。嗱﹗冇藉口喇﹗
1.蘋果
蘋果可以減少腸入面嘅壞細菌，幫助有益細菌繁殖，亦都可以吸附有毒物質。另外，重可以減少血液入面嘅膽固醇含量，增加膽汁分泌和膽汁酸功能。都話咗一日一蘋果，對身體好啦﹗

2.綠豆

綠豆有清熱解毒嘅功效，係中醫最常用嚟解毒嘅食材。綠豆纖維比例高，可以加速腸道蠕動，縮短食物喺腸道滯留嘅時間，總之就係大便暢銷無阻啦！
5件感動700萬香港人的未來發明

內容延讀：

＞瞓極都咁攰？即睇4招祛濕 食完精神晒！

＞早餐都要排毒！4款明星都飲嘅有益早餐SMOOTHIES

3. 番薯

番薯可以補中和血，益氣生津，通便秘，有利於脾臟排毒。而且佢含有嘅纖維質鬆軟易消化，有助排便。

4. 紅蘿蔔
含有大量纖維素、B族維生素、鉀、鎂等可以促進腸胃蠕動的物質，有效將體內嘅廢物排出，係便秘同經常爆瘡人士嘅恩物。

即煲排毒湯水

蘋果紅蘿蔔粟米湯

材料：蘋果1個、紅蘿蔔1個、粟米1個、瘦肉4兩

功效：可以潤腸、排腸毒，健脾胃，重有利尿消腫嘅功效，人人都啱飲。

做法：將蘋果洗乾淨之後批皮切件，記得去心。之後將紅蘿蔔同粟米切件，粟米要去衣。將瘦肉洗乾淨、切件，然後汆水。將所有材料放入煲，加水，用大火煲滾之後，轉慢火煲個半鐘，再落少少鹽調味就搞掂喇。

內容延讀：

＞瞓極都咁攰？即睇4招祛濕 食完精神晒！

＞早餐都要排毒！4款明星都飲嘅有益早餐SMOOTHIES