【運動祥】 英超 開鑼！波衫大晒冷

text – 運動祥 photo – 網上圖片

紅魔同adidas事隔13年後再度攜手合作，連「靚佬」咸爺都忍唔住post ig，令「紅魔7號」經典重現！（圖片來源：David Beckham Instagram）

adidas從曼聯喺80年代經典嘅三間波衫汲取靈感，將經典設計融入新波衫中，並揼本大力宣傳。

車仔今年波衫最明顯係心口贊助商改為日本輪胎製造商YOKOHAMA，領口及手袖位多咗紅白藍幼間，同時冇咗往年嘅間條暗花。

PUMA成第2大戶 NIKE僅得「藍月亮」

英超 波衫供應商第2大戶由PUMA奪得，除咗擁有上季由NIKE「過檔」嘅阿仙奴外，紐卡素、李斯特城及「升班馬」屈福特都係由PUMA贊助。失去咗「紅魔鬼」及「兵工廠」嘅NIKE今年只為曼城1隊供應波衫。

阿仙奴主場波衫與去年相比，最大改動係領口位改為啪鈕式設計，方便球員散熱。

球壇大牌NIKE今季只供應曼城波衫，主場球衣顏色改以藍白色為主。

內容延讀：

＞NIKE #打出名堂 夢想無盡

＞NIKE City Jam 2015 決戰西九

New Balance首次殺入英超

排第3位嘅波衫供應商共有3間，包括英國「土炮」umbro（贊助愛華頓及韋斯咸）、嚟自意大利嘅macron（贊助阿士東維拉及水晶宮），以及今季首次擠身 英超 ，贊助「紅軍」利物浦及史篤城嘅新貴New Balance。

熱刺今年繼續由美國品牌Under Armour贊助；「金絲雀」就繼續沿用意大利品牌errea；而 英超 新人般尼茅夫就由英國本土品牌JD Sports供應波衫。

今季Warrior淡出 英超 ，由母公司New Balance接手，「紅軍」新球季主場波衫冇咗膊頭及鎖骨白線，只有領口金黃色及白色間條；另有格仔型暗花。

熱刺今季有多名主力換number，包括上季「新人王」哈利卡尼由18號轉10號，中場「雙核」賴恩美臣及賓納特則分別換成8號及6號，fans們又係時候「換季」啦！

新球季 英超 波衫大晒冷，球迷們諗定買邊件未？

運動祥

猴男，天生「坐唔定」，精通球類，爆炸性體力活動亦得，耐力持久，汗水唔臭。愛運動更愛潮著，操靚body為咗波衫look同西裝 look都夠班battle柏豪。熱血令肌肉同個look都keep住新鮮，運動潮男點止加10分？

運動潮人跑住傾：[email protected]
內容延讀：

＞NIKE #打出名堂 夢想無盡

＞NIKE City Jam 2015 決戰西九