【公關Mabel】見過最嘔心的加藤鷹格鬥@Beijxxx club
夜場啲女姣嘅姣，啲仔淫嘅淫，都幾烏煙瘴氣，我會感覺到佢哋現實中係空虛、寂寞同凍，故此希望喺抽離嘅夜場中搵到一啲溫暖，即使只係1分鐘，都夠填補超現實中男友令人窒息嘅牛脾氣、女友嘅不可理喻、上司嘅嚴刑苛索同財仔嘅無望一筆清。若有機會作更深認識嘅朋友，你會發覺佢哋無論夜晚有幾姣、幾蕩，當變回上班族或人妻時，會立刻「得咗」咁判若兩人。今次故事主角，大孖YoYo同細孖Betty正正係我喺Beijxxx club見過最嘔心，亦係最痛心嘅一個例子。
我跟大細孖喺4年前認識，佢哋相貌端好、膚白腿長、笑容甜美、有正當職業；嗰陣大孖YoYo還未嫁上軟飯老公，細孖Betty亦未負債90萬。1年前，唔知佢哋係咪掘開咗別人祖先嘅山墳，兩位由頭黑到落腳趾尾，最後大細孖都淪落到要喺Beijxxx club「搵食」，搵「錢」先有得食。搵呢種「錢」，係由1個秘密遊戲衍生；秘密，係因為犯法，所以Beijxxx club執咗我先敢公開。蒲慣嘅人或許略有耳聞，但有否親眼目擊過？我估圍內同相熟熟熟熟熟…人士方可觸及。
加藤鷹格鬥場
男人喜歡乜都鬥一餐，然後攞住個戰果周圍耀武揚威，對此大家應該冇異議。呢個秘密遊戲其中1個重點，就係捉住男人嘅虛榮心。孖女收取格鬥者同現場觀眾金錢，然後用自己身體炮製出1個三級格鬥場。
首先，孖女會從唔同渠道默識對自認能以手指搞得女人好high，而又唔介意喺「半公開」場合跟另一位比拼嘅男人。所謂「半公開」，就係遊戲進行時，只有坐喺嗰張檯嘅人士知悉遊戲進行中，而場內其他人均唔會洞悉絲毫。好不可思議嗎？孖女喺事前必需同格鬥者及旁觀者列明規則同議訂收費，還要簽署1式2份嘅保密協議。
玩法：假設合乎資格嘅旁觀者有4位，主角有4位：格鬥者A、B同大細孖。格鬥者A、B分別選定對手係大/細孖，然後喺限時內，將對手弄得高潮或潮吹，結果會由旁觀者去投票。心水清嘅實會問：「唓！靠大細孖嘅演技足以扭轉局面。」冇錯，絕對係！其實呢個遊戲最大目的，並非要讓男人顯示手指嘅實力，因為佢哋大都唔識利用手指調情；而重點係從強迫孖女喺眾目睽睽之下，表現出興奮卻難奈嘅表情，從而令格鬥者得到一種凡人、凡境得不到嘅快感。
呢種非凡活動，大細孖需與參加者建立信任，要花一段時間先能成功開得1次遊戲；所以，係有錢人嘅玩意，入場費「坐底」都要5位數字。我有幸目擊，係因為大細孖邀請我遠眺監視1次；而發表呢篇文，我亦獲得佢哋同意，並使用偽名方可出街。
表情隨著扭曲
嗰次係我第一次睇，我亦唔想再睇到第二次。8位玩家圍喺bar檯把酒談笑風生，表面上跟場內嘅人無異。大半小時過後，大細孖開始將位置調到格鬥者A、B旁坐，然後用一條深色大圍巾蓋喺超短裙上；皮笑肉不笑之間，佢哋已將內褲脫掉，傳俾格鬥者握在手裡。未幾，格鬥者神色變得荒淫，雙手蠢蠢慾動；佢哋微彎身子，將手伸到孖女嘅下體，繼而加藤鷹嘅靈魂就殺出來，孖女嘅表情亦隨著劇情而扭曲起來。喺迷幻嘅昏暗中，睇兩位索女「典床典蓆」，難怪佢哋總有忘形時；當4位主角過份投入而欲露破綻，旁觀者會即時作出提醒以求遊戲不被發現。我瑟縮一旁，睇住兩位朋友為咗未盡人意嘅生活，而選擇去被陌生人當眾蹂躝；屬於自己嘅私密表情要赤裸逞現於「半公開」場合，個心又實又痛。睇到水花四濺之時，並非由孖女雙腿噴出；而是嚟自我憐憫嘅雙眼。遊戲完畢，旁觀者細心地攞出濕紙巾向四位主角遞上。誰勝誰負？我無心追問，回頭就走。
孖女講，呢種玩法好普遍，亦已算輕可。我呢位凡夫俗子躲喺一角打文章，而你哋就坐喺電腦面前睇到O嘴；但對嗰班有錢人嚟講，用錢便使得天下女人為佢哋做盡荒淫事，真羞家。我相信愈高級嘅夜場會有愈唔見光嘅秘密，我好慶幸，對我嚟講，統統都係遙不可及。
text – Mabel photo – 網上圖片
MT Mabel’s profile
公關1名，關公面口，自認是Black Face Production的director。對於性，一直覺得幻想遠比真實更能有高潮。所以，唔係個個男人都容易埋到身。
facebook專頁：MT Mabel
內容延讀：
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
