【健吾】爆房手記

我：「哦？」

健：「咁就冇得搞啦。」

我：「吓？」

健：「係呀，無論你幾多歲，你老母都會覺得你係細路㗎啦。未結婚帶個女仔返嚟瞓，佢哋唔高興㗎。」

我：「唔…」

健：「啲女見到我屋企有個老母，咩mood都冇晒啦。」

我：「咁咪出去租房囉。」

健：「維記？附近嗰間？」

我：「多得少咗自由行，而家啲房平咗好多喇…」

＊　　＊　　＊　　＊　　＊

朋友Ｒ說，自從母親因病同住，就很久沒有帶女回家。這一點，令他很懊惱。

「其實，搞嘢係件好平常嘅事。人人都會想㗎啦。唔想嗰啲，根本就唔係人。」Ｒ喝了兩杯黑啤之後說：「但問題係，而家返到屋企，見到老母，條女都冇晒mood啦。」

也是事實。我也有朋友是因為在交往的時候，有次上男朋友的家，剛巧遇上奶奶跟老爺吵架，逃到兒子的家暫避。奶奶見到我朋友，就直覺覺得「呢個女仔唔正經」，「未嫁就上男仔屋企」，直覺地不喜歡她，於是到她結婚的時候，即使我的朋友是中環某大律師行的大律師，事業有成，有品味有觸覺有視野，持家有道煮得一手好菜，都給她的奶奶看不起，因為「呢個女仔唔正經」。

「所以而家，都要出去爆房囉。不過，帶條女去百佳嗰啲，都不算是特別好。但去高級嗰啲酒店，每次都6、700落樓，都幾係嘢。」Ｒ說。

我早就說過，香港人很不快樂，原因，只因沒有空間。如果這個世界的「廢青」都有地方做愛，我相信他們不會有時間去參加雨傘運動。

「都唔可以咁講嘅，好多人都有愛做又去瞓街嘅……」Ｒ說：「只不過係，有時都想搵個好啲嘅地方俾條女去。但到最後都係有啲貴。」

香港人，最會的，就是面對現實。我的90後出生的節目助理都跟我說，他們有好幾個手電Apps ，是搵房用的。到真的想錫錫的時候，就開那些Apps了。在狹窄的空間中，尋找高潮的空間，也是種生活態度…吧？

text-健吾

 
內容延續：

＞【健吾】明日我又繼續愛路浮沉

＞【健吾】有錢，你怕沒有女人？