星洲KF1 小型賽車踩場記
眾所周知，小弟除咗係科學園個細佬科技圓，重係個小型賽車狂熱分子，狂熱到我每次去旅行，都一定會搵當地嘅小型賽車場，觀摩下玩下、踩下場及同當地車友交流下。承接上集新加坡玩iFly（希望大家重記得~~汗顏中），第2日就去咗新加坡全新小型賽車場KF1。
先講背景，KF1坐落新加坡北部，由市中心揸車去差唔多要30分鐘，坐都坐到吽吽哋，但落車聽到啲engine聲就即刻精神晒，想即刻落場飛番
轉。而KF1更係由F1賽道設計師Hermann Tilke設計嘅，單係呢點已經令人雙眼發光。玩完之後，更加羨慕新加坡人有個咁支持賽車運動嘅政府
。
進入登記區前要先買票，個場有兩種速度嘅車玩，但第1次玩就一定玩咗慢車先，之後再玩快，慢車玩10分鐘嘅價錢係坡紙28蚊，而快車就係
坡紙35蚊。玩之前要聽briefing去學下旗號呀、安全措施呀等，因為小型賽車始終係種較危險嘅活動，而每個賽道又有唔同規則，所以briefing
一定要留心聽。
上完冷冰冰嘅video briefing後，身上嘅血即時變熱，要即刻跳上架Kart仔度飛出去賽道吹下風降溫，點知一出去揸咗陣，第1個反應係……點解
咁慢嘅？頭先都提過因為第1次玩要玩慢車，對於玩開小型賽車嘅我係會覺得慢少少，但對好多人嚟講，應該都會覺得好刺激好好玩。
玩完10分鐘後，對條賽道開始熟咗，休息大約20分鐘後就可以再玩，今次終於可以玩隻快車。一落賽道即刻feel到個分別，加速感勁咗，變相
喺制動（即brake）方面要做得好，先可以跑到較佳嘅圈速，同場有大約10部車同時追逐，個個即時車神上身，鍾意速度感嘅朋友一定會鍾意玩快車。不過，基於安全（或生意）理由一定要先苦後甜。
成條賽道大約1,000米長，總共有18個彎，因爲有部分係under條橋，所以當中有2、3個彎要穿過條橋底，所以好有壓迫感，我玩過好多個場都
只係得KF1先有咁嘅設計，好過癮。而整體配套都非常完美，唯一缺點係周邊除咗KF1，就好似冇乜嘢玩。我會建議大家下午玩完小型賽車之
後，可以去附近嘅Night Safari，尋幽探秘，去睇下啲室内嘅野生動物。
Ocean Wong’s Profile
或者直shot叫噢唇，本地資深gadget達人，開設Oasis Tech科技公司，代理多個sports gadget品牌，更係試機王，最鍾意搶住晒試新嘢。噢唇重
成立咗HKKU（香港車神聯盟），專搞小型賽車比賽，自己都會落場鬥，人重，但手車好快。佢會喺度同大家分享下各類科技嘢，試機、爆料
樣樣有。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
