勁似Game Boy 任天堂手電？好想玩呀！

熱話
遊戲動漫

廣告

因為岩田聰先生離開，最近多咗唔少「專家」走出嚟分析任天堂，好多「專家」都認為任天堂唯一出路就係造手電遊戲。始終大勢所趨，而家冇人打機呀嘛！連好多外國玩家都係咁諗，所以外國有位叫Pierre Cerveau嘅設計師，就用任天堂元素設計咗1部概念手電出嚟，重叫做Smart Boy。外形睇落勁似Game Boy，用番白、灰主色，除咗一般手電有嘅嘢例如前、後鏡頭、超大螢幕之外，最特別係機身左邊有個插口，只要插件叫Game Bat嘅配件，就可以變成手提遊戲機。呢個插口重可以插其他擴充配件，包括電池、儲存裝置，甚至1,300萬像素嘅3D鏡頭等等，如果唔夠電，重可以轉Power Saving Mode，成部機變番Game Boy黑白8-bit嘅畫面，夠gimmicks！

雖然個人認為，任天堂所謂嘅危機都未算危機（Sony危機更大），全面進軍手電平台更只會拖累本身資產，令本來已經萎縮嘅遊戲機市場更加萎縮，冇得再靠硬體搵食，但科技嘅嘢唔可以一口咬定，就好似Apple都曾經話3.5吋螢幕最好，教主唔喺度政策都即改一樣，任天堂手電係咪真係有可能？大家不妨討論下。

其實，任天堂早前都已宣布同DeNA合作進入手電遊戲市場，年底就會先推出Mobile版嘅《Pokemon Shuffle》試試水溫，對任天堂嚟講，肯交出旗下皇牌IP已經係行咗一大步啦。

text – Nam photo – 網上圖片

內容延讀：

>真實過侏羅紀世界 遙控翼龍拍翼起飛

>回帶睇任天堂社長岩田聰功績 編輯部嚴選10隻撐起任天堂遊戲

有沒有關於香港的有趣盤點？

香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？

有甚麼必學生活小智慧？

天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！

There are 5 comments

Add yours

Comments are closed.

最高人氣 TOP 5